بەيسەنبىدە ورال قالالىق اكىمدىگىنىڭ ءماجىلىس زالىندا كوممەرسيالىق باعىتتاعى نىساندار قۇرىلىسى ءۇشىن جەر تەلىمدەرىن جالداۋ قۇقىعىن ساتۋ بويىنشا كەزەكتى اۋكسيون ءوتتى. اۋكسيونعا 10 جەر تەلىمى شىعارىلدى.

ورال قالالىق جەر قاتىناستارى ءبولىمىنىڭ باسشىسى ارمان بيسەمبالييەۆتىڭ ايتۋىنشا، قر-نىڭ جەر كودەكسىنىڭ 48-بابىنا سايكەس كوممەرسيالىق باعىتتاعى نىساندار قۇرىلىسى ءۇشىن جەر تەلىمدەرىن جالداۋ قۇقىعىن ساتۋ اۋكسيون ارقىلى جۇرگىزىلەدى. ساتىپ الۋشىلار جەر تەلىمىن ءۇش جىل ىشىندە ماقساتتى پايدالانۋى كەرەك. ولاي بولماعان جاعدايدا، ق ر جەر كودەكسىنىڭ 92ء-ىنشى جانە 94-باپتارىنا سايكەس جەر تەلىمى كەرى قايتارىلىپ الىنادى. جالعا الۋ قۇقىعىنىڭ ءۇش جىلدىق مەرزىمى اياقتالعان سوڭ كاسىپكەر كاداسترلىق قۇنىن قوسا تولەپ، جەر تەلىمىن ءوز مەنشىگىنە اۋدارا الادى. كەزەكتى اۋكسيون وتكىزىلەتىنى جونىندە ءتيىستى زاڭعا سايكەس كۇنتىزبەلىك 15 كۇن بۇرىن، ياعني 11 ساۋىردە باق-تارعا حابارلاندىرۋ بەرىلدى. اۋكسيونعا قاتىسۋعا 32 ادام 53 ءوتىنىش بەردى. ساۋدا-ساتتىققا شىعارىلعان جەر تەلىمدەرى ورال قالاسىندا جانە قالاعا ىرگەلەس زاشاعان كەنتىندە ورنالاسقان. ەڭ ۇلكەن جەر تەلىمىنىڭ اۋماعى 2 گەكتار، وزگەلەرى ءار ءتۇرلى اۋماقتى قۇرايدى.

– اۋكسيونعا شىعارىلعان 10 جەر تەلىمىنىڭ 9-ى عانا ءوتتى. ءبىر جەر تەلىمىنە ءبىر ادام عانا ءوتىنىش بەرگەندىكتەن، ول جەر تەلىمى زاڭ بويىنشا اۋكسيونعا شىعارىلمادى. توعىز جەر تەلىمى جالداۋ قۇقىعىمەن ساتىلىپ، ودان 28 ملن. 232 مىڭ تەڭگە ءتۇستى. زاشاعان كەنتىندەگى ەڭ ۇلكەن جەر تەلىمى 4 ملن. 200 مىڭ تەڭگەگە ءوتتى. سونداي-اق وسى اۋدانداعى اكادەميك ق. جۇمالييەۆ اتىنداعى كوشەدەگى 0،15 گەكتار جەر ەڭ قىمبات باعاعا ءوتتى، ياعني 5 ملن. 50 تەڭگەنى قۇرادى، – دەدى ارمان بيسەمبالييەۆ. ونىڭ ايتۋىنشا، وتكەن جىلدان

بەرى ءۇش اۋكسيون، ءبىر كونكۋرس وتكىزىلگەنى بەلگىلى. ءۇش اۋكسيوندا 17 جەر تەلىمى جالداۋ قۇقىعىمەن ساتىلىپ، ودان 72،3 ملن. تەڭگە ءتۇستى.

– جەر تەلىمى جالداۋ قۇقىعىمەن ساتىلاتىن اۋكسيونداردىڭ وتكىزى-

لۋىنە كوڭىلىم تولادى. ءبارى اشىق، كوز الدىڭدا. اركىم وزىنە قاجەتتى جەر تەلىمىن جاعدايىنا قاراي ساتىپ الادى. قۇرىلىسشى شاعىناۋدانىنداعى جەر تەلىمى 65 مىڭ تەڭگەگە ۇسىنىلدى، مەن ونى 3 ملن. 645 مىڭ تەڭگەگە الدىم، – دەيدى «پوليگرافسەرۆيس» جشس-نىڭ وكىلى داۋرەن قايىروۆ.

مامىر ايىنىڭ اياعىنا قاراي تاعى ءبىر اۋكسيون وتكىزىپ، 15 جەر تەلىمى ۇسىنىلادى دەپ كۇتىلەدى.